Massaçuset universitetinin süni intellekt laboratoriyasında kağız, plastik və metallara toxunaraq onları tanıya bilən “RoCycle” adlı robot hazırlayıblar. Robotun əsas fərqli xüsusiyyəti əlləridir. O, əllərindəki ötürücələrin sayəsində əşyanın materialını asanlıqla təyin edir və gərəkli zibil qabına atır. Üst qatın deformasiyasını təyin edən ötürücü obyektin öçüsünü, təzyiqin təyin olunması üçün cihaz isə onun kövrəkliyini təyin edir. Onların sayəsində robot asanlıqla əzilən kağızı və ya daha bərk plastiki, metalı təyin edir.

TED.az-ın xarici mətbuata istinadən verdiyi məlumata görə, robotun əlləri sərbəst şəkilldə uzana bilən materildan- auksetikdən hazırlanıb. Hər bir əl həm sağ, həm də sol əlin funksiyasını yerinı yetirib, digər robotlardan daha dinamik hərəkətlər edə bilir.

Bütün bunlarla yanaşı  “RoCycle” robotun zəif cəhətləri də var. Məsələn, o, ancaq hərəkətsiz əşyaları götürə bilir. Belə olduqda, 85 faiz məqsədinə nail olur.  Amma, əgər əşya tərpənərsə, dəqiqlik 63 faizə enir. Həmçinin ola bilər ki, metaldan hazırlanmış zibil kağız paketin içində olsun, bu zaman robot onu yanlışlıqla gərəkli zibil qabına atmaya bilər.

Tədqiqatçılar bütün bu əskikləri düzəltməyə qərarlıdırlar. Onlar hesab edirlər ki, robota kompyuter gözü sistemi gərəkdir ki, işinin öhdəsindən qüsursuz gələ bilsin.