Facebook Messenger söhbətlərini əsas proqramına qaytara bilər. Hələlik funksiya sınaqdan keçirilir və hər kəs üçün əlçatan deyil.

Messenger 2011-ci ildə Facebook-dan ayrıldı, 2014-cü ildə isə tamamilə oradan çıxarıldı. Və indi, beş ildən sonra şirkət yenidən bu proqramları birləşdirmək qərarına gəlib.

TED.az-ın xarici mətbuata istinadən verdiyi məlumata görə, Hong Kongdan olan blogger Ceyn Manchun Vonq Twitter hesabından ekran skrinşotlarını yayımlayıb. Bu şəkillərdən görünür ki, mesajlara keçmək üçün  messenger düyməsini basmaq lazımdır. Lakin bu zaman ayrıca proqram açılmaq əvəzinə  yeni "Danışıqlar" bölməsinə keçid yaranır.

Vonq qeyd edir ki, burada Messenger xüsusiyyətlərinin yalnız məhdud dəsti var. Bu bölmədən mesajların mübadiləsi üçün istifadə edə bilərsiniz, lakin hələ də zəng etmək və fotoşəkil göndərmək üçün messengeri açmaq lazım gələcək.

Proqram Facebookdan istifadə etməyən kütlə üçün mövcud olaraq qalacaq. Skrinşotlarda çat bölməsinin messengerdə hazırda istifadə edilən ağ dizaynda olacağı görünür.

Yenilənmənin hamı üçün nə vaxt əlçatan olacağı hələlik məlum deyil.