Xiaomi artıq iki dəfə ikiqat qatlanan smartfonunu videoda göstərib. Bu yaxınlarda şəbəkədə Mi MiX 4-ün  Xiaomi-nin ilk qatlanan smartfonu olacağı barədə informasiya peyda olub.

TED.az-ın verdiyi məlumata görə, son günlərdə Çinin Alipay səhifələrindən birində yeni top cihazlar - OPPO Reno, Huawei P30, Mate X və MIX 4 peyda olub. Elə oradaca MIX seriyası üçün ikiqat qatlanan ekran barədə incə ipucu tapmaq mümkündür. Ayrıca, 60 megapiksellik kamera haqqında məlumat verilir. Səhifənin xəbərinə görə cihazın işə salınması 2019-cu ilin ikinci yarısında gözlənilir.

Qeyd etmək lazımdır ki, MIX xətti həmişə Xiaomi üçün bir növ eksperimental poliqon olub (çərçivəsizlik, ekranda səs ötürücüləri, alt paneldə bir selfi kamera və s.). Ona görə də şirkətin ilk qatlanan smartfonunun məhz bu xətt çərçivəsində təmsil oluna biləcəyi mümkündür. Yeni  cihazın Samsung Galaxy Foldun yarı qiymətinə, yəni  1 000 dollara satılacağı ehtimal edilir.