AZ

Facebookun səhmdarları Zukerberqin idarə heyətinin rəhbəri vəzifəsindən çıxarılmasını tələb etdilər

15.04.2019 09:28

Amerika şirkəti Facebookun səhmdarları sosial şəbəkənin təsisçisi Mark Zukerberqin idarə heyətinin rəhbəri vəzifəsindən çıxarılmasını tələb ediblər. Bəyanat, səhmdarların illik yığıncağı ərəfəsində ABŞ-ın Qiymətli Kağızlar və Birjalar üzrə Komissiyasının internet saytında nəşr olunub.

 

TED.AZ – ın xarici mətbuata istinadən verdiyi məlumata görə, illik yığıncaq 30 may tarixinə planlaşdırılır. Təşəbbüsün müəlliflərinə görə, 2018-ci ilin iyul ayından etibarən Facebookun təxmini dəyəri rəhbərliyin və idarə heyətinin qərarına görə 40% azalıb. Bundan əlavə, bəzi səhmdarlara az səs hüququ verilməklə ayrı-seçkilik aparıldığı qeyd olunur.

 

Mark Zukerberq səhmlərin yalnız 13% -nə sahibdir, lakin onun payı bütün səslərin 51%-ni təşkil edir. Bu da Facebook-un siyasətini demək olar ki, tək idarə etməyə imkan verir. Təklif, şirkətin dəyərinin aşağı düşməsinə səbəb olan ittihamlar ilə bağlıdır. Bura, Facebook daxilində yalan məlumatların yayılması və seçkilərə müdaxilə də daxildir.

Dünya bölməsindən digər xəbərlər

Daha çox