AZ

Samsung Galaxy A50 DS (SM-A505) Blue: qiyməti və özəllikləri

08.10.2019 12:01

Texnologiya inkişaf etdikcə az qala hər gün yeni telefon modeli təqdim olunur.

 

TED.az olaraq hər gün bir sevilən telefon markasının rəsmi dilerlərdə təklif olunan qiymətlərini, eləcə də kredit və endirim şərtlərini araşdıracağıq:

 

İlk model Samsung Galaxy A50 DS (SM-A505) Blue telefonudur:

 

Android əməliyyat sisteminə sahib telefon Android 9.0 (Pie) versiyası ilə çalışır.

 

1080x2340 pikselə sahib cihazın 4 kamerası var. Əsas kamerası 25 Mp digər ikisi müvafiq olaraq 8 və 5 Mp-dir. Ön kamera da, həmçinin 25 Mp ölçüyə malikdir.

 

Mobil telefonun operativ yaddaşı 4, daxili yaddaşı isə 64 GB-dır.

 

8 nüvəli Octa-core (4x2.3 GHz & 4x1.7 GHz) prosessoru ilə təchiz olunub.

 

Bundan başqa, cihazda NFC (yaxın məsafə əlaqəsi), 3G, 4G, GPS texnologiyası da mövcuddur.

 

İki sim karta, 4000 mAh. batareyaya sahib mobil cihazın ağırlığı 166 qr, ölçüsü isə 158.5x74.7x7.7 mm-dir.

 

Telefon Kontakt Home mağazlar şəbəkəsində 1 il zəmanətlə 599,99 manata təklif olunur.

 

Bundan başqa, mağaza mobil cihazı 6, 9, 12 aylıq faizsiz kreditlə də müştərilərə təqdim edir. 15 və 18 aylıq kreditlərdə isə müəyyən faiz hesablanır.

 

Əlavə olaraq kreditlə satış zamanı rəsmiləşdirmə işləri üçün 5-7 faiz xidmət haqqı tutulur.

 

Bu model üzrə endirim yoxdur.

 

Sözügedən telefon Optimal Electronics-də 599 manata nəğd şəkildə təklif olunur.

 

Şirkətin saytında kreditlə bağlı məlumat yoxdur.

 

Bundan başqa, qurum telefonu onlayn sifariş edən müştərilərə istər nağd, istərsə də kreditlə alış zamanı 3%-dək endirim və 2% müştəri bonusu avantajı verir. Bu avantaj digər məhsullara da aiddir.

 

Telefon İrşad Elektronics mağazalarında da 599 manata satılır. Onu da qeyd edək ki, bu qiymət endirimli şəkildədir. Çünki mağazanın saytında əvvəlki qiymət kimi, 649 manat göstərilib.

 

Mağaza telefonu ilkin ödənişsiz, 6, 12, 18 aylıq kreditlə də təklif edir. İlk iki seçimdə hər hansı faiz tutulmur. 18 aylıq kredit seçimində isə telefon alıcıya 706,82 AZN-ə başa gəlir.

 

Saytda məhsulun rəsmiləşdirilməsi zamanı 4-10% komissiya haqqı tələb oluna biləcəyi də qeyd olunub.

 

Baku Electronics-in saytında sözügedən telefon 599 manata təklif edir. Bundan başqa, mağazanın 12 aylıq faizsiz kredit şərti də var.

 

Music Galery mağazalar şəbəkəsinin saytında da, həmçinin bu telefon təklif olunmur.  

 

Worl Telecom-da isə telefon nağd 599 AZN-dir. 

 

6 aylıq faizsiz kreditlə almaq üçün əvvəlcədən 299.5 AZN ödəniş etmək lazım gəlir. 12 aylıq kredit seçimində isə telefon 672 manata başa gəlir. Bundan əlavə, məhsulun rəsmiləşdirilməsi zamanı 5-10% komissiya məbləği tələb oluna bilər. İş yerinizdən asılı olaraq 1, 2 və ya 3 aylıq ilkin ödəniş etmək lazım gələ bilər. 1 kart sahibləri isə 1 illik kreditlə faizsiz şəkildə telefonu əldə edə bilərlər.

 

Cavid QƏDİR

Texnologiya bölməsindən digər xəbərlər

Daha çox