AZ

Huawei Şanxay avtosalonunda özünün ilk avtomobilini təqdim edə bilər

15.04.2019 10:28

Sirr deyil ki, son vaxtlar Huawei şirkəti Çinlə ABŞ arasındakı ticarət müharibəsi səbəbindən çətinliklərlə üzləşib. Huawei şirkətinin məhsulu olan şəbəkə avadanlıqlarının təhlükəsizliyi ilə bağlı vəziyyət də həll olunmamış qalır. Bu səbəbdən bir sıra Avropa dövlətlərinin Çin istehsalçısına təzyiqləri artır.

 

TED.az-ın xarici mətbuata istinadən verdiyi məlumata görə bütün bunlar Huawei-a inkişaf etməyə mane olmur. Şirkət keçən il istehlakçı elektronikasının istehsalı ilə bağlı biznesində yüksək sıçrayışa nail olub, Çin smartfon bazarında hakim mövqe tutmağı bacarıb və s.

 

Şirkət bu uğurları ilə kifayətlənməyib avtomobil bazarına çıxmağı planlaşdırır. Bəzi məlumatlara görə, Şanxayda gözlənilən avtosalonda Huawei istehsalı olan ilk avtomobil təqdim oluna bilər. Həmçinin, deyilir ki, nəqliyyat vasitəsinin hazırlanması dövlət avtoistehsalçısı olan Dongfeng Motor şirkəti ilə birgə aparılıb.

 

O da məlumdur ki, bu yaxınlarda Huawei və Dongfeng Motor şirkətləri Syanyan hakim dairələri ilə ümumi məbləği 3 milyard yuan olan müqavilə imzalayıblar (təxminən 446 milyon dollar). İmzalanan müqavilələr əsasında avtomobil üçün bulud platformalarının birgə inkişafı, 5G şəbəkələrindən istifadə edən avtonom idarəetmə sistemlərinin yaradılması və s. bigə işlər görüləcək.

 

Müqavilənin imzalanması zamanı, geniş ictimaiyyətə mikroavtobusun prototipi nümayiş etdirilib. Bununla yanaşı, gələcəkdə "Huawei" avtomobili necə olacaq və ümumiyyətlə olacaqmı, hələ məlum deyil. Şanxay avtosalonu öz qapılarını bu ayın sonunda açacaq. İstisna deyil ki, o zaman Huawei adlı sirli vasitə haqqında yeni məlumatlar əldə ediləcək.

Texnologiya bölməsindən digər xəbərlər

Daha çox