AZ

Çernobıl Atom Elektrik Stansiyasına turistlər buraxılacaq

08.10.2019 15:39

Çernobıl Atom Elektrik Stansiyasına turistlərin daxil olmasına icazə veriləcək.

 

TED.az xəbər verir ki, bu ilin iyul ayında Ukrayna Prezidenti Vladimir Zelenski Çernobıl zonasını turistik məkan elan edib.

 

Məlumata görə, turizm agentlikləri Çernobıl AES-in dördüncü enerji blokunun idarəetmə panelində rəsmi ekskursiylar keçirməyə başlayıblar.

 

Turistlərin 1986-cı il 26 aprel tarixində partlayan dördüncü enerji blokunun idarəetmə otağına aparılacağı bildirilir. Ərazidəki radiasiyanın hələ də yüksək səviyyədə olduğuna görə turistlərin otaqda bir neçə dəqiqə ərzində və yalnız qoruyucu kostyumda, dəbilqədə, respiratorda və əlcəkdə qalmaqları mümkün olacaq.

 

Mütəxəssislərin fikrincə, ərazidə qısa müddət ərzində qalan insanların həyatı üçün riskli vəziyyət müşahidə olunmur. Turistlər geri dönərkən bədənlərində və geyimlərində zərərli maddələrin olmaması üçün iki sınaqdan keçəcəklər.

 

Əlavə edək ki, baş verən fəlakətdən sonra idarəetmə otağında bir çox avadanlıq oğurlanmış olsa da, içəridə hələ paslı stendlər, displeylər və digər avadanlıqlar qalıb.

Dünya bölməsindən digər xəbərlər

Daha çox