İbrahim Alışov: Azərbaycanda ilk dəfə qeyri-rezidentlərə məsafədən bank hesabının açılması xidməti təqdim ediləcək
“Rəqəmsal transformasiya üzrə aparılan islahatlar, reallaşan layihələr, dövlət qurumları ilə banklar və maliyyə bazarlarının digər iştirakçıları arasında qarşılıqlı əməkdaşlığı qaçılmaz edir”.
TED.az xəbər verir ki, bunu Maliyyə Bazarlarına Nəzarət Palatasının İdarə Heyətinin sədri vəzifəsini icra edən İbrahim Alışov deyib.
İbrahim Alışov bildirib ki, elektron və mobil rezidentlik çərçivəsində Azərbaycanda ilk dəfə Rəqəmsal Ticarət Qovşağının təşəbbüsü ilə qeyri-rezidentlər üçün banka getmədən məsafədən bank hesabının açılması xidməti təqdim ediləcək: “Hazırda qeyri-rezidentlərin şirkətlərinin sosial xidmətlərdən istifadə edilməsi, həm özəl, həm dövlət xidmətlərinə çıxışın təmin olunması istiqamətində fəaliyyət göstərilir. Rəqəmsal Ticarət Qovşağının fəaliyyəti dövründə əldə olunan uğurlar və davamlı formada aparılan islahatlar Türkiyə, Gürcüstan, Rusiya, İspaniya, Böyük Britaniya, Hindistan və s. dövlətlərin marağına səbəb olur”.
Zeynəb ƏKBƏR