Bakı Mühəndislik Universiteti (BMU) ilə Azərbaycan Milli Elmlər Akademiyasının (AMEA) Strateji Elmi Tədqiqatlar Mərkəzi və AMEA-nın İdarəetmə Sistemləri İnstitutu arasında əməkdaşlıq müqaviləsi imzalanıb.

TED.az xəbər verir ki, tədbirdə BMU-nun rektoru Havar Məmmədov, AMEA Strateji Elmi Araşdırmalar Mərkəzinin rəhbəri Fətəli Abdullayev və AMEA İdarəetmə Sistemləri İnstitutunun direktoru Telman Əliyev çıxış ediblər, daha sonra əməkdaşlıq müqaviləsini imzalayıblar.

Müqavilənin məqsədi BMU-da fəaliyyət göstərən ixtisaslar üzrə mütəxəssis hazırlığında və biliklərin yayılmasında maddi-texniki, elmi metodiki və təşkilatı tədbirlərin, müxtəlif sahə və istiqamətlər üzrə fundamental və tətbiq yönümlü elmi-tədqiqat işlərinin aparılması, yeni texnologiyaların işlənilməsi, əldə olunan elmi nəticələrin tədris prosesində və müxtəlif istehsalat sahələrində tətbiq olunmasıdır.

Gunel QURBANOVA