AZ

Bu qurum virtual qəbul keçirib: vətəndaş müraciətləri onlayn bağlantı əsasında dinlənilib

09.10.2019 14:50

Əmlak Məsələləri Dövlət Komitəsi (ƏMDK) innovativ imkanları cəlb etməklə vətəndaşların virtual qəbulunu keçirib.

 

TED.az xəbər verir ki, virtual qəbulların təşkili insan amilinin gücləndirilməsinə, komitə rəhbərliyinin regionlardakı vətəndaşlarla birbaşa ünsiyyətinə və müraciətlərinin dinlənilməsinə imkan verir. Onlayn qəbullar ilə vətəndaşlar komitəyə gəlmədən, uzaq məsafə qət etmədən müraciətlərini operativ formada rəhbərliyə ünvanlayırlar.

 

ƏMDK-nın növbəti virtual vətəndaş qəbulu komitənin sədr müavini Rüstəm Şahbazov tərəfindən keçirilib. Sədr Abşeron və Şirvan rayonlarında olan vətəndaşların hər bir müraciəti müvafiq ərazi idarəsindən onlayn bağlantı əsasında qəbul edib. Kollegial formada keçən qəbulda komitə ilə yanaşı, ərazi şöbələrinin nümayəndələri də iştirak edib.

 

Müraciətlərdən bəziləri elə virtual qəbulda öz müsbət həllini tapıb. Digər müraciətlərin həlli ilə bağlı sədr müavini yerli qurum nümayəndələrinə yerindəcə müəyyən tapşırıqlar verib. Onlayn qəbul zamanı səsləndirilən müraciətlər, əsasən daşınmaz əmlakın qeydiyyatı, dövlət əmlaklarının özəlləşdirilməsi, torpaqların kadastr uçotuna alınması, o cümlədən dövlət əmlakının icarəyə götürülməsi, torpaqların texniki parametrlərinin və koordinatlarının müəyyənləşdirilməsi və digər məsələlərlə bağlı olub.

e-Azərbaycan bölməsindən digər xəbərlər

Daha çox