1949-cu ildə kommunist Çindən qaçan hökumət rəhbərlərinin Demokratik Çin Respublikasını qurduğu Tayvan adası özünü Çin Respublikası - müstəqil dövlət olduğunu iddia edir. Eyni zamanda, Çin Xalq Respublikası Tayvanın onlara bağlı bir dövlət olduğunu və üsyan etdiyini bildirir. İki ölkə arasında olan bu gərginlik Çinin Tayvanı ilhaq etmək istəyi ilə zirvəyə də çatmışdı.

TED.az xəbər verir ki, indi isə bu mübarizə Vikipediyada da davam edir. Tayvanlılar Çin Xalq Respublikası hökumətindən dəstək alan redaktorların köməyilə Vkipediyada Tayvana məxsus  məqalənin daim dəyişdirildiyini iddia edirlər. Elə hesab olunur ki, Çin tərəfdarları bununla Tayvanla əlaqəli faktların gizlədilməsinə çalışırlar.

Vikipediyada açılan Honkonqdakı Çin etirazları ilə əlaqədar məlumat səhifəsi gündə 65 dəfə redaktə olunur. Redaktələr əsasən Çin Xalq Respublikasının arqumentlərini vurğulamaq və rəsmi Pekinin mövqeyini möhkəmləndirmək üçün edilir.

Belə məlum olur ki, bəşəriyyətin rəqəmsal yaddaşı olaraq ortaya çıxan Vikipediya da artıq güc və texnologiyaya sahib dövlətlərin icazə verdiyi qədər məlumatlar təqdim edəcək.

Gunel QURBANOVA