AZ

Ülvi Mehdiyev: Rəqəmsal həllərin hazırlanması istiqamətində işlər davam etdirilir

09.10.2019 16:00

“Bu günə qədər “ASAN xidmət” mərkəzlərində vətəndaşlara 33 milyondan çox xidmət göstərilib”.

 

TED.az xəbər verir ki, bunu “ASAN xidmət”in sədri Ülvi Mehdiyev deyib.

 

Ülvi Mehdiyev bildirib ki, Azərbaycanda elektron hökumətin inkişafı və rəqəmsal hökumətə keçidlə bağlı tədbirlər çərçivəsində əhəmiyyətli layihələr həyata keçirilir: “Aparılan işlər yaxın gələcəkdə bu xidmətlərin oflayn mühitdən onlayn çərçivəyə daha sürətli keçməsini təmin etməyə yönəlib. İnformasiya sistemlərinin inteqrasiyası, dövlət orqanları arasında məlumat mübadiləsinin təhlükəsiz mühitdə aparılmasının təmin edilməsi məqsədilə elektron hökumət infrastrukturu yenilənmiş, bu ilin iyun ayından etibarən vətəndaşın şəxsi kabineti əsaslı “myGov” platforması istifadəyə verilib. Bundan başqa? rəqəmsal həllərin hazırlanması, dövlət-özəl tərəfdaşlığı çərçivəsində layihələrin həyata keçirilməsi istiqamətində işlər davam etdirilir”.

 

Agentliyin sədri onu da qeyd edib ki, “ASAN xidmət”in 7 illik fəaliyyəti müddətində mərkəzlərinin saxlanılmasına dövlət büdcəsindən 132 milyon manat ayrılıb: “Mərkəzlər vasitəsilə isə dövlət büdcəsinə 135 milyon manat vəsait ödənilib”.

 

Zeynəb ƏKBƏR

e-Azərbaycan bölməsindən digər xəbərlər

Daha çox