AZ

Xiaomi Redmi Note 8: qiyməti və özəllikləri

15.10.2019 10:29

Mobil telefon bazarlarında son zamanlar Çin şirkətlərinin payı getdikcə artır. Bu artımda güclənərək qloballaşan Çin iqtisadiyyatı qədər qədim asiyalıların təqdim etdiyi füsunkar smartfon modellərinin də payı var. Bazar genişlənməsi prosesində 48 Mp-lik kamerası ilə necə deyərlər, “fotoaparatı aratmayan” Xiaomi Redmi Note 8 modeli xüsusi çəkiyə sahibdir. Biz də TED.az olaraq, “TEDfon” rubrikasında bu dəfə Xiaomi Redmi Note 8-i sizə təqdim edirik:

 

Xiaomi Redmi Note 8

 

Android əməliyyat sisteminə sahib telefon Android 9.0 (Pie) versiyası ilə çalışır.

 

2340x1080 pikselə sahib cihazın əsas kamerası 48 Mp, ön kamerası 13 Mp ölçüyə malikdir.

 

Mobil telefonun operativ yaddaşı 4, daxili yaddaşı isə 64 GB-dır.

 

Octa-core (4x2.0 GHz & 4x1.8 GHz) prosessoru ilə təchiz olunub.

 

Barmaq izi oxucu, 3G, 4G, GPS texnologiyası da mövcuddur.

 

İki sim karta, 4000 mAs batareyaya sahib mobil cihazın ağırlığı 190 qr, ölçüsü isə 158.3x75.3x8.4 mm-dir.

 

Telefon Kontakt Home mağazlar şəbəkəsində 489,99 manata təklif olunur.

 

Bundan başqa, mağaza mobil cihazı 6, 9, 12 aylıq faizsiz kreditlə də müştərilərə təqdim edir. 15 və 18 aylıq kreditlərdə isə müəyyən faiz hesablanır.

 

Əlavə olaraq kreditlə satış zamanı rəsmiləşdirmə işləri üçün 5-7 faiz xidmət haqqı tutulur.

 

Bu model üzrə endirim yoxdur.

 

Sözügedən telefon Optimal Electronics-in saytında 489 manata təklif olunur. Üstəlik, Birkart istifadəçiləri smartfonu 18 ayadək faizsiz kreditlə əldə edə bilərlər.

 

İrşad Elektronics-in saytında isə telefonun yalnız qara rəngli versiyası mövcuddur. Bu telefon müştərilərə 489 manata təklif edilir.

 

Mağaza telefonu ilkin ödənişsiz, 6, 12, 18 aylıq kreditlə də təklif edir. İlk iki seçimdə hər hansı faiz tutulmur. 18 aylıq kredit seçimində isə telefon alıcıya 577,02 manata başa gəlir.

 

Saytda məhsulun rəsmiləşdirilməsi zamanı 4-10% komissiya haqqı tələb oluna biləcəyi də qeyd olunub.

 

Baku Electronics-in saytında sözügedən telefon yoxdur.

 

Music Galery mağazalar şəbəkəsinin saytında da, həmçinin bu telefon təklif olunmur. 

 

World Telecom-da da bu telefon 489 manata satılır. Bİrkart istifadəçiləri 12 aylıq faizsiz kreditdən yararlana bilərlər. 

 

Digər müştərilər isə smartfona 244,5 manat ilkin ödəniş etməklə 6 aylıq faizsiz kreditlə sahib ola bilərlər. 12 aylıq, ilkin ödənişsiz kredit imkanından yararlanmaq istəyənlərsə, telefona 552 manat ödəməli olacaqlar. 

 

Sözügedən mağazada məhsulun rəsmiləşdirilməsi zamanı 5-10% komissiya məbləği tələb oluna bilər. Bundan başqa, iş yerinizdən asılı olaraq 1, 2 və ya 3 aylıq ilkin ödəniş lazım gələ bilər.

 

Cavid QƏDİR

Texnologiya bölməsindən digər xəbərlər

Daha çox