2024-cü ildə onlar satılan qurğuların ümumi sayının təxminən 50%-ni təşkil edəcəklər

Beşinci nəsil kommersiya şəbəkələrinin işə salınması bu il reallaşıb, üstəlik, artıq bazarda ilk 5G smartfonları ortaya çıxıb, lakin yeni telefonların miqyaslı adaptasiyası yalnız gələn il başlayacaq.

TED.az xarici mətbuata istinadən xəbər verir ki, TSMC şirkətinin proqnozuna görə, 5G telefonlarına tələbat artıq gələn ildən başlayaraq bir neçə milyondan 300 milyon ədədə qədər artacaq. Bəzi analitiklər hesab edirlər ki, gələn il 5G smartfonlarının satışı təxminən 200 milyon təşkil edəcək.

Strategy Analytics tədqiqat firmasının proqnozuna görə, 5G dəstəyi olan smartfonlar beş il ərzində bütün mobil telefon satışlarının təxminən yarısını təşkil edəcək. 5G cihazlarının satışı 2019-cu ildə ümumi satış həcminin 1%-dən az hissəsini təşkil edəcəyi halda, 2020-ci ildə isə onların payı 10%-ə qədər artacaq.

Əsas problem 5G effektiv smartfonların yüksək qiyməti olaraq qalır, istehlakçılar cari şəbəkəli cihaz almaq üçün çox pul sərf etmək istəmirlər. Operatorlar 5G-ni daha cəlbedici etmək üçün 5G şəbəkələrinin əhatə dairəsini sürətli genişləndirməyə davam etməlidirlər.