AZ

Qalib STARTAPÇI: Başlıca məqsədimiz Heal With-i biznesə çevirməkdir

19.10.2019 09:40

"Qalibiyyət bizə böyük motivasiya oldu. Bu gündən etibarən də yenə başlıca məqsədimiz "Healwith"i biznesə çevirmək olacaq", - bunu TED.az-a açıqlamasında "Heal With" komandasının üzvü Leyla Talıbzadə deyib.

 

Komandanın digər üzvü Eldar Cahangirbəyov isə bildirib ki, bundan sonra "Heal With" startapının beta versiyasını hazırlayacaqlar: "Daha sonra isə alfa versiyanı hazırlayıb, bazarın gedişatını tutacağıq".

 

Qeyd edək ki, "İ2B - İdeyadan Biznesə" layihəsinin respublika üzrə 2019-cu il qalibi "Healwith" startapı olub. Komandanın üzvləri Azərbaycan Dövlət Neft və Sənaye Universitetinin (ADNSU) tələbələri Leyla Talıbzadə, Ləman Həsənli, Eldar Cahangirbəyov, Fərid Cəfərli, Xeybər Məmmədnağıyev və ADNSU-nun müəllimi Elviz İsmayılovdur.

 

İ2B – İdeyadan biznesə startap müsabiqəsinin qalibi olan "Heal With"ə dünən keçirilən yekun mərasimində 10 min manat mükafat verilib.

 

Zeynəb ƏKBƏR

Startaplar bölməsindən digər xəbərlər

Daha çox