AZ

Rasim Əliquliyev: Real zamanda fəaliyyət göstərən kriminalist robotlar hazırlanmalıdır

19.10.2019 10:32

“Ölkəmizdə kibercinayətkarlıqla mübarizə işinin səmərəli təşkili, idarə olunması, koordinasiyası, yeni yanaşmaların dərindən öyrənilməsi və kadr hazırlığının həyata keçirilməsi ilə bağlı mühüm tədbirlər görülür”.

 

TED.az xəbər verir ki, bu sözləri Azərbaycan Milli Elmlər Akademiyasının (AMEA) vitse-prezidenti, akademik Rasim Əliquliyev deyib.

 

Alim internet-kriminalistika, kibercinayətkarlıqla mübarizə işinin təşkili, kibertəhlükəsizliyin çoxaspektli problemlərinin həlli, informasiya təhlükəsizliyi kimi sahələrin institutun prioritet istiqamətlərindən olduğunu bildirib.

 

İnternet-kriminalistikanın aktuallıq kəsb edən məsələlərdən olduğunu bildirən vitse-prezident, ölkəmizin milli təhlükəsizlik tələblərinə əsasən, bu istiqamətdə tədqiqatların davam etdirilməsinin vacibliyini vurğulayıb.

 

R.Əliquliyev elektron dövlətin əsasının qoyulmasında xüsusi xidmətləri olan akademik Cahangir Kərimov irsinin dərindən araşdırılmasına ehtiyac olduğunu da dilə gətirib.

 

Alimin sözlərinə görə, real zamanda fəaliyyət göstərən, kriminalist meyilləri aşkar və klassifikasiya edən intellektual kriminalist robotlar hazırlanmalı, internet-kriminalistika, onun vəziyyəti və problemləri istiqamətində kadr hazırlığı aparılmalı, elmi problemlər təsnif olunmalıdır.

 

Cavid QƏDİR

e-Azərbaycan bölməsindən digər xəbərlər

Daha çox