AZ

AREA-nın təsisçisi: Roboday festivalında dronlarla poçt daşıma sistemini nümayiş etdiririk

19.10.2019 13:33

"AREA (Azerbaijan Robotics Engineering Academy) bu gün keçirilən “Roboday” festivalında texnoloji yeniliklərlə yanaşı, bir sıra layihələr nümayiş etdirir. Bugünkü festivalda AREA poçt daşıma sistemində dronlardan istifadəni təqdim etdirir".

 

TED.az xəbər verir ki, bunu AREA-nın təsisçisi Rəhman Rəsulzadə deyib.

 

Rəhman Rəsulzadə bildirib ki, dronlar bir nöqtədən digər nöqtəyə müəyyən bağlamaları daşıyır: "Digər bir yeniliyimiz bildiyiniz kimi AREA akademiyası, Gənclər və İdman Nazirliyi, Nəqliyyat, Rabitə və Yüksək Texnologiyalar Nazirliyi ilə dünya robot olimpiadası final mərhələsinə yüksəlib. Builki qaliblər ölkəmizi Macarıstanda təmsil edəcəklər. Tədbirə Macarıstanda keçiriləcək robot olimpiadasında iştirak edən finalçılarımızda qatılıb. Onların Macarıstanda nümayiş ediləcək robotları bu gün burada da göstərilir. Qeyd edim ki, AREA 2014-cü ildə 3 dərsdənkənar proqramla fəaliyyətə başlayıb. Bu gün artıq 9 proqramla çıxış edir. Bunlar "Mən pilotam", "Robomonte", "Yapon mühəndisliyi", "Helikopter mühəndisliyi" və s.".

 

R.Rəsulzadə qeyd edib ki, AREA-nın ən yeni layihələrindən biri "Dron olimpiadası: Mən pilotam" layihəsidir: "Ötən il bu layihəni pilot layihə olaraq ilk dəfə Azərbaycanda təqdim etdik. Ötən ilki müsabiqəmiz 3 kateqoriya üzrə aparılırdı. "Dron futbol", "Maneələrin dəf edilməsi" və xüsusi kateqoriya olan minalanmış ərazilərdə işğal olunmuş əraziləri azad etmək idi. Xüsusilə sonuncu layihə şagirdlərimizdə vətənpərvərlik hisslərini, həm də onlara müdafiə mexanizmini aşılayır".

 

Zeynəb ƏKBƏR

Startaplar bölməsindən digər xəbərlər

Daha çox