AZ

9 ay ərzində 700 mindən çox Azərbaycan vətəndaşı təyyarə ilə səyahət edib

22.10.2019 14:27

2019-cu ilin yanvar-sentyabr aylarında xarici ölkələrə gedən Azərbaycan Respublikası vətəndaşlarının sayı əvvəlki ilin müvafiq dövrü ilə müqayisədə 17,9% artaraq 4 milyon 201 min 500 nəfər olub.

 

TED.az xəbər verir ki, bu barədə Dövlət Statistika Komitəsindən məlumat verilib.

 

Ölkə vətəndaşlarının 36,3%-i İrana, 29%-i Gürcüstana, 17,5%-i Rusiya Federasiyasına, 11,8%-i Türkiyəyə, 5,4%-i isə digər ölkələrə səfər edib. Gedənlərin 63,8%-ini kişilər, 36,2%-ini qadınlar təşkil edib.

 

Bu dövrdə İrana gedən Azərbaycan vətəndaşlarının sayı 39,1 faiz, Gürcüstana gedənlərin sayı 12,7 faiz, Rusiya Federasiyasına gedənlərin sayı 6,5 faiz, Türkiyəyə gedənlərin sayı isə 4,7 faiz artıb.

 

Bu ilin yanvar-sentyabr aylarında xarici ölkələrə səfər etmiş Azərbaycan Respublikası vətəndaşlarının 82,1 faizi dəmir yolu və avtomobil, 17,2 faizi hava, 0,7 faizi isə su nəqliyyatından istifadə edib.

TED + bölməsindən digər xəbərlər

Daha çox