DİM əməkdaşları “Şagird-məzun” elektron informasiya sistemi üzrə təlimatla bağlı seminar-treninq keçiriblər.

TED.az xəbər verir ki, bu gün Dövlət İmtahan Mərkəzinin Xaçmaz regional bölməsində DİM əməkdaşları tərəfindən “Şagird-məzun” elektron informasiya sistemi üzrə təlimatla bağlı seminar-treninq təşkil olunub.

Treninqdə Dövlət İmtahan Mərkəzinin Xaçmaz RB-si üzrə Xaçmaz, Quba, Qusar, Şabran və Siyəzən rayonlarının təhsil şöbələrinin məsul şəxsləri, bir sıra ümumtəhsil müəssisələrinin, həmçinin regionda fəaliyyət göstərən peşə liseyləri və internat məktəblərinin əlaqələndiriciləri iştirak ediblər.

Tədbirdə “Şagird-Məzun” elektron informasiya sistemindən istifadə qaydaları, DİM-in ümumtəhsil müəssisələri üzrə təqvim planına uyğun olaraq görüləcək işlər, qarşıda duran vəzifələr, tətbiq olunan yeniliklər və s. məsələlər barədə geniş məlumat verilib və iştirakçıların suallarına ətraflı cavab veriblər.