AZ

Kurrikulumların təkmilləşdirilməsi üzrə çalışmaq istəyirsənsə bu elektron ünvana CV göndər

22.10.2019 18:14

Təhsil İnstitutu fənn proqramlarının (kurikulumlarının) təkmilləşdirilməsi üzrə işçi qrup üzvlərinin seçimi üçün müsabiqə elan edir.

 

TED.az xəbər verir ki, Azərbaycan Respublikasının Təhsil İnstitutu ümumi təhsil pilləsində tədris olunan fənn proqramlarının (kurikulumlarının) təkmilləşdirilməsi üzrə işçi qrup üzvlərinin seçimi üçün müsabiqə elan edir.

 

Müsabiqədə iştirak etmək arzusunda olan namizədlər ixtisas fənni üzrə dərin biliklər (elmi dərəcə, yüksək attestasiya nəticələri və s.), araşdırma və analitik düşünmə bacarığı, yüksək özünütəhsil vərdişləri, kompüter bilikləri, xarici dil bilikləri, müasir pedaqogika biliklərinə sahib olmalıdır.

 

Məlumat üçün bildirək ki, işçi qrup üzvləri ölkədə tətbiq olunan və qabaqcıl ölkələrin ümumi təhsil pilləsi üzrə təhsil proqramlarını təhlil və müqayisə edir, müasir təhsil nəzəriyyələrinə və tədris praktikasına uyğunlaşdırır, onların təkmilləşdirilməsi üçün spesifik təkliflər hazırlayır.

 

Müsabiqədə iştirak etmək arzusunda olan mütəxəssislərdən 31.10.2019 tarixinədək CV-lərini m.maharramov@arti.edu.az elektron ünvanına göndərmələri xahiş olunur. Zəruri keyfiyyətlərə malik mütəxəssislər müsahibəyə dəvət olunacaq.

 

Qeyd edək ki, müsabiqə bir neçə mərhələdən ibarət olacaq və qaliblərlə ödənişli əsaslarla əməkdaşlıq haqqında müqavilə bağlanacaq.

e-Azərbaycan bölməsindən digər xəbərlər

Daha çox