“Bu gün keçirilən Medianex Azərbaycan Beynəlxalq Tibbi İnnovasiyalar Sərgisində 12-yə yaxın avadanlıq nümayiş etdiririk”.

Bunu TED.az-a açıqlamasında BTL şirkətinin icraçı direktoru Fərid Quliyev deyib.

Fərid Quliyev bildirib ki, ilk dəfə olaraq Azərbaycanda yüksək intensiv maqnit, super indaksist cihazı təqdim edilir: “Bu cihaz standart fizioterapiya cihazından daha yüksək intensivliyə və daha çox effektivliyə malikdir. Sözügedən cihaz hələ ki, Azərbaycanın heç bir xəstəxanasında istifadə olunmur. Əsas məqsədimiz bugünkü sərgidə xəstəxanaları bu yeni innovativ texnologiya ilə tanış etməkdir. Cihaz insult keçirəndən sonra reabilitasiyada, idman zədələrinin və qəza travmalarının müalicəsində effektiv nəticələr göstərir. Eyni zamanda, ilk dəfə olaraq Azərbaycanda fleksi elektrokardioqraf cihazını nümayiş etdiririk. Sözügedən cihaz hazırda dünyada olan ən kiçik, ən portativ elektrokardioqraflardan biridir. Həkimlər planşet üzərindən pasiyentlərin elektrokardioqrama nəticələrini, e-mail vasitəsilə onlara göndərə və mütəmadi müşahidə edə bilərlər”.

Zeynəb ƏKBƏR