AZ

Qazaxıstanın rəqəmsal səhiyyə təcrübəsi Azərbaycanda tətbiq oluna bilər

07.11.2019 09:00

“Qazaxıstan Respublikasında rəqəmsal tibbi eko-sistem tam şəkildə formalaşıb”.

 

Bunu TED.az-a açıqlamasında “DAMU İnformasiya Texnologiyaları Mərkəzi” MMT-nin idarə heyətinin sədri Talqat Elemanov deyib.

 

Talqat Elemanov bildirib ki, bu gün Qazaxıstan əhalisi aktiv şəkildə “DAMUMED” bulud platformasından istifadə edir: “Bulud platforması səhiyyəni hər bir şəxs üçün asan və əlçatan edir. Rəqəmsal tibbi-ekosistemin mobil tətbiq versiyası da istifadədədir. Burada pasiyentin elektron vərəqəsi, apteklərin siyahısı, poliklinikaların siyahısı, stasionar mərkəzlər və s. haqqında məlumat var. Pasiyentlər elektron şəkildə resept əldə etdikdən sonra mobil tətbiq vasitəsilə reseptdə olan dərman vasitələrinin hansı aptekdə olduğu haqqında da məlumat əldə edirlər. Qazaxıstanın 17 regionunda 821 klinikası  bu sistemlə işləyir.  Hazırda 2 879 531 mobil müştərimiz, eləcə də 110 054 səhiyyə işçisi var. Sistemdə 253 315 800 tibbi sənəd və 14 375 225 elektron sağlamlıq pasportu mövcuddur.”

 

İdarə heyətinin sədri qeyd edib ki, Ukraynada da filialları var: “Biz Azərbaycan səhiyyəsi ilə də əməkdaşlığa hazırıq”.

 

Zeynəb ƏKBƏR

Ekspertlər bölməsindən digər xəbərlər

Daha çox