Əmək və Əhalinin Sosial Müdafiəsi Nazirliyinin (ƏƏSMN) valideyn himayəsindən məhrum olmuş uşaqlar və övladlığagötürmə altsisteminin iki modulu artıq hazırdır.

TED.az xəbər verir ki, valideyn himayəsindən məhrum olmuş uşaqlar və övladlığagötürmə altsisteminin 10 modulu olacaq. Bu modullardan “Övladlığa götürmə hüququmun yoxlanılması” və “İstəklərimə uyğun uşaq – yoxla” modulu artıq hazırdır.  

Digər “Ərizələrim”, “Müraciətlərim”, “Valideyn-namizədlə müsahibələr”, “Mənzil şəraitinin yoxlanılması”, “Təlimlər”, “Uşaqla müəssisədə görüş”, “Sınaq müddətində evdə yerləşdirmə”, “Monitorinq” modulları isə ilin sonunadək hazırlanaraq istifadəyə veriləcək.

Qeyd edək ki, ölkəmizdə ilk dəfə olmaqla ƏƏSMN-in mərkəzləşdirilmiş elektron informasiya sistemində “Valideyn himayəsindən məhrum olmuş uşaqlar və övladlığagötürmə” altsistemi yaradılır. E-sistem  bu ilin ikinci yarımilində istifadəyə verilərək, övladlığagötürmə üzrə idarəçiliyin və xidmətlərin e-qaydada təşkilini təmin edəcək.

Zeynəb ƏKBƏR