AZ

Bill Qeytsin bu səhvi ona 400 milyard dollara başa gəlib

07.11.2019 23:59

Bir neçə ildir ki, Microsoft Windows Mobile-ı tanıtmaqla mobil əməliyyat sistemlərində bazar payı qazanmağa çalışır. Lakin nəticədə şirkət özü məğlub olduğunu etiraf etdi. TED.az xəbər verir ki, korporasiyanın qurucusu Bill Qeyts “Windows Mobile”ın niyə Android və iOS-a rəqib ola bilmədiyini açıqlayıb.

 

“Microsoft”un keçmiş rəhbəri qeyd edib ki, ABŞ Ədliyyə Nazirliyinin antitrest araşdırması nəticəsində “Windows Mobile” populyarlıq qazana bilməyib.

 

Qeyts “Microsoft”un sistemin buraxılmasına gecikərək “Windows Mobile OS”un “Motorola” smartfonlarında işə salma fürsətini əldən verdiyini də vurğulayıb.

 

Görünür, Qeyts 2009-cu ildə təqdim olunan “Motorola Droid” smartfonunu nəzərdə tutur. “Microsoft”un öz “Windows Mobile”ını istifadə etmək şansı olmasına baxmayaraq, bir əməliyyat sistemi olaraq o, Android 2.0 aldı. Bu model mobil bazarda çox məşhur idi.

 

Məsələnin maliyyə tərəfinə gəldikdə isə Bill Qeyts bu vəziyyəti şirkətə 400 milyard dollara başa gələn "həyatda əsas səhv" adlandırıb.

Dünya bölməsindən digər xəbərlər

Daha çox