Bank Respublika və Azərbaycan Banklar Assosiasiyasının (ABA) tələbələr arasında ”Nağdsız cəmiyyətə doğru” mövzusunda “Ən yaxşı məqalə” və “Ən yaxşı video çarx” nominasiya üzrə keçirdiyi müsabiqənin qalibləri elan olundu.

TED.az xəbər verir ki, müsabiqənin keçirilməsində əsas məqsəd – əhalinin nağdsız ödənişlər haqqında məlumatlılığının artırılması, bu sahədə beynəlxalq təcrübənin araşdırılması və stimullaşdırma yollarının öyrənilməsindən ibarət olub.

Sentyabrın 26-da başlayan müsabiqəyə bir çox universitet tələbələri qoşulub. Müsabiqədə iştirak üçün tələbələr tərəfindən çoxlu sayda maraqlı və kreativ işlər göndərilib. Yazı və videolar peşəkar münsiflər heyəti tərəfindən qiymətləndirildikdən sonra qaliblər ölkəmizdə “Nağdsız iqtisadiyyat: Dayanıqlı bankçılığa doğru” adlı 4-cü beynəlxalq bankçılıq forumunda pul mükafatı və diplomlarla mükafatlandırılıb.

Ən yaxşı məqalə:

I yer – Nicat İbrahimzadə (Azərbaycan Dövlət İqtisad Universiteti)

II yer – Yunus Babasoylu (Bakı Mühəndislik Universiteti)

II yer – Səbir Məmmədova (Azərbaycan Dillər Universiteti)

Ən yaxşı video:

I yer – Aydan Xudiyeva (Odlar Yurdu Universiteti)

I yer – Heydər Məmmədov (Bakı Dövlət Universiteti)

Qeyd. Ən yaxşı video müsabiqəsində hər iki iştirakçı I yerə layiq görülüb.