Xerox HP-ni 33 milyard dollara satın almaq istəyir
HP-nin kapitallaşdırılması Xerox-dan üç dəfə çoxdur
Mənbələr xəbər verir ki, Xerox şirkəti HP-ni təxminən 33 milyard dollara satın almaq niyyətindədir. Xerox artıq HP-yə öz təklifini etsə də hələ ki, rəsmi bəyanatlar olmayıb.
TED.az xarici mətbuata istinadən xəbər verir ki, əhəmiyyətli olan odur ki, Xerox-un bazar kapitallaşması təxminən 8,3 milyard dollar təşkil edir, HP-də bu rəqəm 29 milyarddır. Eyni zamanda, mütəxəssislər Xerox-un hər hansı bir ölçüdə əməliyyatlar bağlamaq üçün yaxşı mövqedə olduğunu söyləyirlər. Bu vəziyyət Xerox-un bu yaxınlarda Fujifilm şirkətinə Fuji Xerox birgə müəssisəsinin səhmlərinin 25%-ni 2,3 milyard dollara satması sayəsində yaranıb.
Şirkətlər hələlik şayiələrə dair şərh verməkdən imtina ediblər, mənbələr isə cavab vermək üçün HP-yə bir neçə gün gərək olduğunu iddia edirlər.