AZ

Nazir müavini: 2020-ci ildə Məşğuluq proqramına cəlb olunanların sayı 11 minə çatdırılacaq

08.11.2019 14:09

"3 ildir ki, ölkə başçısının tapşırığı ilə özünəməşğulluq proqramı həyata keçirilir. Bu proqramın məqsədi işsiz və iş axataran vətəndaşların aktiv əmək bazarına cəlb olunması, onlara dövlət vəsaiti hesabına aktivlərin verilməsi ilə kiçik təsərrüfatların yaradılması, mikrobiznesə dəstək verilməsidir".

 

TED.az xəbər verir ki, bunu Əmək və Əhalinin Sosial Müdafiəsi Nazirliyinin mərkəzləşdirilmiş elektron informasiya sistemində yaradılan “Məşğulluq” altsisteminin istifadəyə verilməsi ilə bağlı keçirilən mətbuat konfransında nazir müavini Anar Əliyev deyib

 

Anar Əliyev bildirib ki ötən il 7200 şəxs proqrama cəlb edilib: "2019-cu ildə bu göstərici 10 minə çatdırılıb. 2020-ci ildə bu proses daha da genişləndirilərək proqrama cəlb olunanların sayı 11 minə çatdırılacaq. Ölkə başçısının tapşırığı ilə hazırda Dünya Bankı ilə müzakirələr aparılır. Dünya Bankı ilə imzalanması gözlənilən sazişə uyğun olaraq 14 minə yaxın şəxsin bu proqrama cəlb olunması gözlənilir. Bu işdə şəffaflığın təmin olunması məqsədilə nazirlik xüsusi e-xidmət sistem yaradıb".

 

Zeynəb ƏKBƏR

e-Azərbaycan bölməsindən digər xəbərlər

Daha çox