AZ

ASAN xidmət vasitəsi ilə keçən iki ay ərzində 100-dən çox vətəndaşa ovçuluq vəsiqəsi verilib

08.11.2019 16:46

Bu gün Ekologiya və Təbii Sərvətlər Nazirliyində mətbuat konfransı keçirilib.

 

TED.az xəbər verir ki, nazirliyin departament direktoru Hikmət Əlizadə “Ov mövsümü ilə əlaqədar ovçuluğun tənzimlənməsi, ov günlərinin arıtırılması səbəbləri, vəhşi heyvanların kəndlərə hücumu” mövzusunda çıxış edib.

 

H.Əlizadə ov biletlərinin alınmasının qaydalarından danışıb: “Vətəndaş müraciəti çox olan bir sıra Nazirlik xidmətləri “ASAN” xidmət vasitəsi ilə reallaşır, o cümlədən Ov biletlərinin alınması “ASAN” xidmət vasitəsi ilə həyata keçirilir. Ovçuluq bileti hüquq verən sənəddir, digər sənədlə müqayisə etsək, məsələn, sürücülük vəsiqəsinə bənzəyir. Ovçuluq vəsiqəsini almaq istəyən vətəndaşlar “ASAN” xidmətə müraciət edərək 2 ədəd fotoşəkil, 11 AZN dövlət rüsumu və qanuni əldə etdiyi ov silahının surətini təqdim etməlidir. Daha sonra imtahan günü təyin olunur. İmtahan test sistemi ilə keçirilir”.

 

Bundan əlavə nazirlik rəsmisi ov biletlərinin alınması ilə bağlı müraciət sayını da açıqlayıb: “ASAN xidmət vasitəsi ilə keçən iki ay ərzində 100-dən çox vətəndaşa ovçuluq vəsiqəsi verilib”.

 

Fatimə ZÜLFİQAR

e-Azərbaycan bölməsindən digər xəbərlər

Daha çox