Ekologiya və Təbii Sərvətlər Nazirliyinin nümayəndəsi Vüqar Kərimov Respublikanın iri şəhərlərində - Bakı, Sumqayıt, Gəncədə fəaliyyət göstərən ictimai-iaşə obyektlərində keçirilən son monitorinqlərdən danışıb.

TED.az xəbər verir ki, V.Kərimov Respublika ərazisindəki ictimai-iaşə obyektlərinin təmizləyici qurğuları barədə məlumat verib: “Nazirliyin keçirdiyi monitorinqə əsasən ictimai-iaşə obyektlərində 520-dən çox təmizləyici qurğu quraşdırılıb”.

Nazirlik rəsmisi qeyd edib ki, ictimai-iaşə obyektlərinin əksəriyyətində təmizləyici qurğular quraşdırılsa da, vəziyyət o qədər də qənaətbəxş deyil: “İctimai-iaşə obyektlərinin əksəriyyətində təmizləyici qurğular quraşdırılsa da, təəssüf ki, onlara vaxtında texniki xidmət göstərilmir, filtrlər təmizlənmir və nəticədə yenə də havaya tüstü və iy, qoxu yayılır”.

Fatimə ZÜLFİQAR