AZ

Samsung qatlanan smartfonların istehsal həcmini 10 dəfə artıracaq

08.11.2019 21:00

Galaxy Fold-un yeni qatlanan smartfonu 2019-cu ilin əvvəlində debüt edib və yalnız bir ay əvvəl rəsmi olaraq satışa çıxarılıb.

 

TED.az xarici mətbuata istinadən xəbər verir ki, belə cihazların böyük populyarlıq əldə edə bilməyəcəyini göstərən bir neçə amil var.

 

Birincisi, cihazın yüksək dəyəridir, ikincisi, bu texnologiya hələ "xam"dır və təkmilləşdirilməsi tələb olunur.

 

Amma əslində hər şey o qədər də pis alınmayıb. Samsung şirkəti Galaxy Fold-a olan tələbatı öyrənib və əminliklə bildirib ki, gələn il istehsal həcmini birmənalı şəkildə artıracaq.

 

Samsung 2020-ci ilin sonuna qədər qatlanan smartfonların istehsal həcmini 10 dəfə artıracaq.

 

Təkcə bu ilin sonuna qədər Koreya istehsalçısı 500 min smartfon göndərmək niyyətindədir, gələn il isə həcm 5-6 milyon ədədə qədər yüksələcək.

Texnologiya bölməsindən digər xəbərlər

Daha çox