Dekabr ayının əvvəlində “Qualcomm” smartfon istehsalçılarının 2020-ci ilin birinci rübündə quraşdırılmasına başlayacaqları yeni flaqman platformasını təqdim edəcək. 

TED.az xarici mətbuata istinadən xəbər verir ki, yeni prosessorun təqdimatı dekabrın 3-də keçiriləcək.

Snapdragon Tech Summit adlandırılan tədbir Havay adalarında keçiriləcək.

Prosessorda artıq 5G modeminin inteqrasiyası gözlənilir, çip özü isə 7 nanometrlik texprosess üzrə hazırlanacaq.

Yeni flaqman çipi Snapdragon 865 adını alacaq.