Feysbuk Messencerə yeni təhlükəsizlik xüsusiyyəti gəldi - Gizli danışıqlar
Feysbuk son illərdə gizliliyi ən vacib məsələlərdən biri kimi qiymətləndirir. Təhlükəsizlik qalmaqallarından sonra bu sahədə təsirli addımlara üstünlük verən sosial şəbəkə nəhəngi yeni “Məxfilik və Təhlükəsizlik Mərkəzi” açıb.
TED.az xəbər verir ki, indi də yeni “Məxfilik və təhlükəsizlik” bölməsi təqdim edilib.
Messencerin veb-saytına yerləşdirilən bu bölmədə bir kontaktın bloklanması, bildirilməsi və susdurulması, habelə bunun necə ediləcəyi barədə məlumat verilib.
Bundan başqa, səhifədə bildirilir ki, istifadəçi onlayn olub-olmamağını bildirən funksiyanı da özü idarə edə biləcək. Əlbəttə ki, söhbət hazırda bu platformada şifrəli mesajlar göndərməyin yeganə yolu olan “Gizli danışıqlar”dan gedir. Yeni funksiya tərəflər arasında söhbətləşməni bir müddətdən sonra silərək gizliliyi təmin edir.
Şirkət bu funksiyanın önümüzdəki dövrdə daha da inkişaf etdiriləcəyini vəd edir.