Aydan sonra Marsa çatmaq insanın ən böyük xəyallarından biridir. 

TED.az xəbər verir ki, “SpaceX”in baş direktoru İlon Mask Marsda insan məskunlaşmasına dəstək olmaq üçün dayanıqlı bir şəhər qurmaq istədiklərini açıqlayıb. 

Qırmızı planetdə davamlı bir təməl yaratmaq üçün cədvəllər və nəqliyyat vasitələrinə olan tələblər haqqında ətraflı məlumat verən Maskın bu layihəsi bütün dünyada böyük həyəcanla qarşılanıb.

ABŞ Hərbi Hava Qüvvələrinin Kaliforniyadakı tədbirində həftə ərzində verdiyi şərhlərlə bağlı sualı cavablandıran Mask “Starship” uçuşları üçün cəmi 2 milyon dollara yaxın vəsaitin tələb olunduğunu söyləyib. 

Marsda özünü təmin edən bir şəhəri reallaşdırmaq üçün “SpaceX” oraya yük, infrastruktur və heyət göndərməlidir. 

Mask bu prosesin təxminən 20 il davam edəcəyini bildirilib.

“SpaceX” layihəsinin rəhbəri, həmçinin 2022-ci ilə qədər Mars üçün əməliyyat planlaşdırdıqlarını açıqlayıb. 

İ.Mask bundan əvvəl isə Marsa 2024-cü ildə enməyi planlaşdırdıqlarını bildirmişdi.