“Bakı-Sumqayıt dəmir yolu ilə hər gün 12 min sərnişin daşınır”.

TED.az xəbər verir ki, bunu Prezident İlham Əliyevin qəbulunda olarkən “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov deyib.

Cavid Qurbanov qeyd edib ki, dairə tamamlananda təqribən 25-30 min sərnişin daşımaq imkanı yaranacaq: “Bu da yəqin ki, ən azı 300-500 avtobusun işini azaldacaq. Həm ekoloji cəhətdən təmizdir, həm çox yüksək səviyyəli və sürətli qatarlardır, içərisində bütün rahatlığı var, həm də vaxt təqribən iki-üç dəfə azalır”.