“Ölkəmizdə, nəinki ticarət obyektlərində, ümumiyyətlə, kriptovalyutanın dəyişdirilməsi hazırkı tənzimləmələrlə uyğun görünmür. Mövcud qanunvericilikdə kriptovalyuta pul vasitəsi hesab olunmur və statusu qeyri-müəyyəndir”.

Bunu TED.az-a açıqlamasında kriptovalyuta üzrə ekspert Hüseyn İbadov deyib.

Hüseyn İbadov bildirib ki, ümumiyyətlə, ödənişlərin qəbulu üçün ticarət obyektində quraşdırılmış Bitcoin cüzdan tətbiqi olmalıdır: “Həm müştəri, həm də ticarət obyektinin cüzdanı olduqda ödəniş sürətlə həyata keçirilir. Hazırda bəzi qurumlar blokçeyn texnologiyaları ödənişlərin tənzimlənməsi mexanizmi üzərində işləyir və araşdırmalar aparır. Əgər gələcəkdə hüquqi status müəyyən edilsə, qeyri-müəyyən məqamlar açıqlansa, Azərbaycandakı kriptovalyutalarla ödənişlər gözlənilə bilər”.

Zeynəb ƏKBƏR