İnternet şəbəkədə yeni Honor Magic Watch 2 smart saatlarının fotoşəkilləri ortaya çıxıb.

TED.az xarici mətbuata istinadən xəbər verir ki, hələlik cihazın final dizaynından bəhs edilmir, çünki söhbət yalnız cihazın xarici görünüşünün təxmini təsvirindən gedir. İstehsalçı ağıllı Honor Magic Match 2 saatlarını, müasir görünüş və klassik aksessuarın birləşməsi ilə təklif etmək niyyətindədir. Ekran 46 millimetr ölçüyə malikdir və xüsusi qoruyucu şüşə ilə örtülüb.

Ehtimal olunur ki, Honor Magic Watch 2 smart saatı cihaza kifayət qədər dəbdəbəli görünüş verən burulan tacları alacaq. Həmçinin ağıllı saatların sağlamlığa aid olan çoxsaylı funksiyalara malik olduğu göstərilir.  Honor Magic Watch 2-nin rəsmi debütü noyabrın 26-da keçiriləcək və məhz burada cihazın əsas üstünlükləri səsləndiriləcək.