“Amazon” şirkəti yaxın gələcək üçün digər musiqi xidmətlərinə rəqib hazırlayır.

TED.az xəbər verir ki, “Amazon Music” adlanan şirkət onlayn musiqi xidmətinin pulsuz versiyasını təqdim edib.

“Amazon”dan ABŞ, İngiltərə və Almaniyadakı tətbiq istifadəçilərinin bu xidmətdən pulsuz istifadə edə biləcəkləri açıqlanıb.

Şirkətin ən böyük rəqibi təxminən 140 milyon istifadəçi sayına sahib olan “Spotify” texnologiyasıdır. Dünyanın ən populyar audiostriminq tətbiqi olan “Spotify”, reklam dəstəkli pulsuz versiyasını və 9,99 dollarlıq reklamsız ödənişli versiyasını ehtiva edən “freemium” modelini təklif edir.

Mütəxəssislərin fikrincə, “Amazon Music”in yaradılması nə “Spotify”, nə də ki premium səviyyəli “Pandora” və ya “Apple Music” kimi pullu tətbiqləri üçün təhlükəli deyil. Çünki “Amazon” tətbiqi daha kiçik musiqi kataloquna sahibdir. Ayrıca, “Amazon Music”, “Spotify Discover Weekly” və digər xüsusi musiqi siyahıları kimi funksiyaları dəstəkləyən personalizasiya texnologiyası baxımından o qədər də inkişaf etdirilməyib.