İcbari Tibbi Sığorta üzrə Dövlət Agentliyinin sosial şəbəkələrdəki səhifələrinə 716 vətəndaş müraciəti daxil olub.

TED.az xəbər verir ki, bu, qurumun 2019-cu ilin yanvar-sentyabr aylarındakı fəaliyyətinin nəticələrinə həsr olunmuş iclasında bildirilib. 

O da qeyd olunub ki, müraciətlər dərhal cavablandırılıb və ya operativ şəkildə cavablandırılmanı təmin etmək üçün aidiyyəti struktur bölmələrə yönləndirilib.

Sözügedən dövrdə qurumun kütləvi informasiya vasitələri tərəfindən 9 ay ərzində 175 informasiya sorğusu daxil olub. Bütün sorğuların cavablandırılması təmin olunub.