AZ

Intel AMD ilə rəqabət aparmaq üçün prosessorlarının qiymətini daim azaltmalı olur

21.11.2019 12:26

Intel-ə indi masaüstü və server prosessor bazarında AMD ilə rəqabət aparmaq çox çətindir. Həqiqətən, yeni CPU yoxdur, masaüstü Ice Lake isə yalnız 2021 və ya hətta 2022-ci ildə görünə bilər.

 

Buna görə şirkətə digər mübarizə üsulları axtarmaq lazım gəlir. Bunlardan ən sadəsi – qiymət azalmasıdır. Biz artıq sələfləri ilə müqayisədə iki dəfə ucuzlaşmış CPU Core X və server Xeon-la tanışıq.

 

TED.az xarici mətbuata istinadən xəbər verir ki, Intel bununla kifayətlənməyib. Şirkətin AMD ilə rəqabət aparmaq üçün son bir neçə ayda üç dəfə Cascade Lake server prosessorlarının qiymətlərini azaltdığı bildirilib.

 

Doğrudur, Intel-in rəsmi sənədlərində belə bir şey göstərilməyib. Qiymət siyahısı əvvəlcədən müəyyən edilmiş eyni qiymətləri göstərir.

 

Lakin başa düşmək lazımdır ki, server bazarı istehlak bazarından köklü şəkildə fərqlənir və orada biznes bir qədər başqa cür aparılır. Buna görə də, Intel bəzi tərəfdaşlarına müəyyən şərtlər əsasında daha aşağı qiymətlər təklif edir.

Texnologiya bölməsindən digər xəbərlər

Daha çox