“Anonim” haker qrupu ilə əlaqəli olduğu iddia edilən bir şəxs DDoS hücumlarına görə 6 il həbs cəzasına və böyük miqdarda pul cəriməsinə məhkum edilib.

Məlumat üçün bildirək ki, “Anonim” dünyanın ən məşhur haker təşkilatlarından biridir və bu vaxta qədər dünyada böyük hücumlar reallaşdırıb.

TED.az-ın məlumatına görə, ötən ay ABŞ-ın Ohayo ştatında yaşayan bir nəfər Ohayo və Akron polis şöbəsinin saytlarına DDoS hücumları etdiyi üçün altı il həbs cəzasına məhkum edilib. 33 yaşlı Ceyms Robinson hücumları Tvitter profilində dəqiq sənədləşdirdiyinə görə ittihamlardan qaça bilməyib.

İttihama görə, “AkronPhoenix4202 adlı tvitter hesabında Robinson tərəfindən DDoS hücumlarının paylaşımları yer alır.

Hədəflər Müdafiə Nazirliyi, Milli Səhiyyə İnstitutu, Maliyyə Nazirliyi və NATO-nun saytları olsa da, hücumlar heç vaxt böyük pozuntulara səbəb olmayıb. DDoS qoruma xidmətləri göstərən iki kiber təhlükəsizlik şirkətindən də bildirilib ki, Robinson həbs olunana qədər fəaliyyətindən xəbərsiz olublar.