Slashleaks resursu Huawei şirkətindən olan yeni smartfonun şəkillərini nəşr edib. Bu model yaxın vaxtlarda təqdim edilməlidir və məlum olduğu kimi, gələcək yenilik Y6S adı altında satışa çıxarılacaq.

TED.az xarici mətbuata istinadən xəbər verir ki, Huawei Y6S başlanğıc səviyyədə çox sadə bir smartfon olacaq. Zahirən o, iki il əvvəlki cihazlar kimi görünür və onda bir kamera quraşdırılıb.

Şəkildə Huawei Y6S-in ekranı ətrafında geniş çərçivələr və xüsusilə müasir standartlara görə çox böyük olan alt çərçivənin olduğunu görə bilərsiniz.

Bununla belə, cihazın ön kamerasının altında kəsik var, arxa tərəfdə isə adi barmaq izinin skaneri yerləşir. Huawei Y6S-in texniki xüsusiyyətləri hələlik məlum deyil.