Stenford Universiteti gələcəyin xəstəxanalarının yaradılacağını elan edib. Avtomatlaşdırılmış bu qurumda əsas kadrlar müxtəlif robotlarla əvəz olunacaq. Xəstəxanalar 5G şəbəkəsinə qoşulmağa hazır olmalı, həmçinin süni intellektə əsaslanan həllərdən istifadə etməlidir.

TED.az xəbər verir ki, Stenford Universiteti müasir texnologiyalara söykənəcək xəstəxananın müasir bazasını yaratmağa qərar verib. İnvestisiya dəyəri çox böyükdür, çünki bu layihənin həyata keçməsi üçün 2,1 milyard dollara qədər vəsait tələb olunur.

Universitet şəhərciyində salınacaq xüsusi tipli Stanford Health Care xəstəxanasında insanları bir çox məsuliyyətdən azad edən robotlar işləyəcək. Onlar xüsusilə aptek üçün dərmanların qablaşdırılmasında istifadə olunacaqlar. Daha sonra bu dərmanlar digər avtomatlaşdırılmış vasitələrdən istifadə edilərək çatdırılma nöqtəsində təhvil veriləcək. Digər avtomatlaşdırılmış vasitə, xüsusən camaşırxanadan camaşırların gətirilməsi və ya zibil yığılması ilə məşğul olacaq.

Bu layihədə süni intellektə əsaslanan həllərdən də geniş istifadə ediləcək. Bu, xəstənin təhlükəsizliyini artırmaq üçün hazırlanmış xüsusi sensorlardan istifadəni nəzərdə tutur. Bundan əlavə, xəstəxanaların avtomatlaşdırılması və oradakı insanların vəziyyətinin monitorinqini əhatə edən çox sayda həll yolu işlənəcək. Lazım olduqda bazanı 5G şəbəkəsinə bağlamaq mümkün olacaq.

Stanford Universiteti hələ ki, test olaraq bu yeni həllərin xəstəxananın ümumi fəaliyyətinə və maliyyə vəziyyətinə necə təsir edəcəyini görmək istəyir. Zaman keçdikcə robotların bu cür tətbiqi digər qurumlarda da həyata keçirilə bilər.