“Apple”ın istifadəçilərinə təqdim etdiyi rahatlıqlardan biri də “Apple Pay”dir. Bu tətbiq sayəsində cüzdan və ya karta ehtiyac duymadan fərqli yerlərdə ödəmə edə bilərsiniz. Bunun üçün “iPhone” və ya “Apple Watch”ınızın olması kifayətdir.

TED.az xəbər verir ki, “Apple” bu cür imkanları təmin edən ödəniş sahələrinə yenisini əlavə edib. Bu tətbiq nəqliyyat vasitələrində rahat ödənişi təmin edəcək. “Apple Pay”, “IPhone” və “Apple Watch”dakı NFC dəstəyi sayəsində ödəmə aparatı ilə əlaqə qura bilir.

Yenilik ilk olaraq Londonun nəqliyyat vasitələrində tətbiq ediləcək. İstifadəçilər cihazlarını turniketlərə yaxınlaşdırmaqla gediş haqqını ödəyə biləcəklər. Bunun sayəsində nəqliyyat vasitəsinə daha tez və rahat minmək mümkün olacaq.

Ümid edirik ki, “Apple Pay” ən qısa müddətdə ölkəmizdə də fəal şəkildə istifadə ediləcək.