Oktyabr ayında təqdim edilən Intel Core X prosessorları Avropada bəzi satıcılara hələ daxil olmayıb, bəzilərinin isə hətta sifarişindən imtina edilib.

TED.az xarici mətbuata istinadən xəbər verir ki, Intel şirkətinin yeni çipləri artıq qıtlıq problemi yaşayır və onları Avropa ölkələrində də almaq sadəcə mümkün deyil.

Xarici portal pərakəndə satıcılarla söhbət edərək, Intel Core X-ın tədarükünü yalnız gələn ilin əvvəlində gözlədiklərini öyrənib.

Həmçinin prosessorların, hətta kompüter yığıcıları üçün də əlçatmaz olduğu ortaya çıxıb.

ABŞ-da satışda 10-nüvəli Core i9-10900X olduğu üçün vəziyyət bir az fərqlidir, lakin onun qiyməti tövsiyə olunan qiymətə qəti uyğun deyil.

Çip 700 dollar qiymətə təklif olunur, halbuki şirkət ona 590 dollar pərakəndə satış qiyməti müəyyən edib.

Ehtimal olunur ki, AMD-də olduğu kimi Intel-də də HEDT prosessorları ilə bağlı eyni problemlər var, buna baxmayaraq, Yaponiyada Ryzen 9 3950X, Ryzen Threadripper 3960X və Ryzen 3970X üçün alıcı növbələri var, lakin Core X üçün heç bir yerdə növbə görülməyib.