AZ

Apple şirkəti iPhone 9 adını bərpa edəcək

09.12.2019 13:30

 

Bildiyimiz kimi Apple şirkəti iPhone 8 ailəsindən sonra “9”un üzərindən keçib “X” modeli ilə qarşımıza çıxmışdı. Şirkət Roma rəqəmləri ilə “10” ifadə edən “X”dən sonra “XS”, daha sonra isə “iPhone 11”  ailəsini qarşımıza çıxardı.

 

TED.az xəbər verir ki, gələn ilin ikinci yarısında “iPhone”un “SE 2” modelini təqdim edəcəyi gözlənilir. Deyilənlərə görə, Apple rəhbərliyi iPhone 9 adını yenidən təqdim etməyi düşünür.

 

Şirkətin 2016-cı ilin mart ayında təqdim olunan “iPhone SE”nin yeni modellərinin üzərində çalışdığı deyilir. iPhone 8-ə bənzəyəcək telefonun iPhone 9 adlandırılacağı gözlənilir. İddialar doğrudursa “SE” adı tarixə qarışacaq.

 

Apple şirkətinin iPhone SE ilə bağlı böyük ümidləri var. Tədqiqatçı Minq Çi Kounun dediyinə görə, ilk mərhələdə şirkətin 30-40 milyon satış edəcəyi gözlənilir.

 

Boz, gümüşü və qırmızı rəng alternativləri olan modelin qiyməti çox əlverişli olduğuna görə, 5G dəstəyi ilə təmin edilməyəcək. 5G dəstəkli iPhone-a sahib olmaq istəyənlər isə sentyabr ayında keçiriləcək Apple tədbirini gözləməli olacaqlar.

Texnologiya bölməsindən digər xəbərlər

Daha çox