Dünyanın qabaqcıl fotoaparat istehsalçısı Canon kiberhücuma məruz qalıb.

TED.az xəbər verir ki, rəsmi məlumatlara əsasən, hücum nəticəsində 10 TB-a qədər məlumat oğurlanıb. Kibercinayətkarlar məlumatları geri qaytarmaq üçün pul tələb ediblər. Hücum nəticəsində şirkətin elektron poçt xidməti, Microsoft Teams servizi və ABŞ mərkəzli veb-saytı fəaliyyət göstərə bilməyib. Məlumatların bir qisminin hələ iyulun 30-da oğurlandığı açıqlanıb. 

Qeyd edək ki, şirkət kiberhücum faktını təsdiqləsə də, hələlik bu barədə ətraflı məlumat yayımlanmayıb.