Tvitter TikTok-u satın almaq üçün ilkin danışıqları aparıb
Tvitter şirkəti TikTok tətbiqinin sahibi olan ByteDance ilə məşhur xidmət alınması haqqında ilkin danışıqları aparıb.
TED.az xəbər verir ki, bu barədə “Wall Street Journal” məlumat yayıb.
Məlumata görə, şirkətlər arasında olan söhbət yalnız ABŞ-ın TikTok əməliyyatları ilə bağlı olub.
Qeyd edək ki, Microsoft şirkəti artıq bir neçə həftədir ki, ByteDance ilə yalnız ABŞ-da deyil, Avstraliya, Kanada və Yeni Zelandiyada da TikTok aktivlərinin alınmasına dair danışıqlar aparır. Mənbələrə görə, Microsoft TikTok satın almaq üçün əsas iddiaçı olaraq qalır.
Xatırladaq ki, daha əvvəl Tramp məşhur Çin tətbiqinin sentyabrın ortalarına kimi ABŞ-da öz səhmlərini satmadığı təqdirdə ticarət fəaliyyətinə qadağa qoyulacağını bildirmişdir.