AZ

“Bestcomp Group” CİSCO korporasiyasının birinci səviyyəli tərəfdaşı oldu

 

fb0f478fc49557e68db00b0677c3f519.jpg
25.09.2020 12:34

“Bestcomp Group” şirkəti və CİSCO korporasiyası arasında birbaşa əməkdaşlıq haqqında müqavilə imzalanıb. Müqaviləyə əsasən, “Bestcomp Group” CİSCO üçün Tier 1, yəni birinci səviyyəli tərəfdaşa çevrilir. “Bestcomp Group” Azərbaycanda CİSCO ilə bu səviyyədə əməkdaşlıq müqaviləsi olan yeganə şirkətdir.

 

Şirkətin baş direktoru Fərid Həsənov bildirib: “Bu hadisə bizim üçün çox sevindiricidir və Azərbaycan şirkətinin böyük uğurudur. Son illərdə şirkətimiz Data Mərkəz, informasiya təhlükəsizliyi və telekommunikasiya həllərinin layihələndirilməsi və tətbiqi üzrə böyük uğurlara imza atıb.

 

Şirkətimiz informasiya təhlükəsizliyi sahəsində MDB məkanında “Cisco Master Security Specialization” statusu olan üç şirkətdən biridir. “Bestcomp Group” 2019-cu ildə ABŞ-ın Las-Veqas şəhərində keçirilib. Dünyanın çox sayda ölkəsindən 4 mindən çox iştirakçının qatıldığı “Cisco Partner Summit” tədbirində “Azerbaijan Enterprise Partner of the Year” mükafatı ilə təltif edilib.

Bildirmək istəyirəm ki, bizim 2020-ci ildə CİSCO ilə əməkdaşlıq göstəricilərimiz daha da sevindiricidir və biz bu sahədə Azərbaycan bazarında öz lider statusumuzu daha da möhkəmləndirmişik.

 

“Bestcomp Group”da CİSCO təhlükəsizliyi sahəsində, çox sayda CCIE, CCNP, CCDA, CCNA, ASAAM, layihələrin idarə edilməsi üzrə PRINCE 2, ümumiyyətlə, dünyanın aparıcı İT şirkətlərinin 500-dən çox sertifikatını almış yüksək səviyyəli mütəxəssislər çalışır. Məhz bizim hörmətli sifarişçilərimizin və yüksək səviyyəli mütəxəssislərimizin hesabına biz bu nailiyyətləri əldə etmişik”.  

 

CİSCO şirkətinin MDB ölkələrində partnyorla iş üzrə meneceri Sergey Kravçuk “Bestcomp Group” şirkətinin son nailiyyətləri ilə bağlı təbriklərini bölüşərkən bildirib ki, “Bestcomp Group” çox layiqli və ciddi işlər həyata keçirir, ilk növbədə “Cisco Master Security Specialization” statusu “Bestcomp Group” üçün bazarda fərqləndirmə nöqtəsidir, CİSCO təhlükəsizliyi üzrə yüksək səviyyəli səriştəyə malik olduğunuzu sübut edir və biz bunu çox yüksək qiymətləndiririk.

 

“Bestcomp Group” xarici bazarlarda aktiv çalışan Azərbaycanın aparıcı İT şirkətidir. Yeni nailiyyət “Bestcomp Group” şirkətinə MDB və Asiya ölkələrində CİSCO texnologiyalarının tətbiqi ilə Data Mərkəz, telekommunikasiya həllərinin, kiber təhlükəsizlik sahəsində mürəkkəb layihələrin auditini, planlaşdırmasını, hazırlanmasını, optimallaşdırılmasını, tətbiq edilməsini, dəstəyini həyata keçirmək qapılarını açır.

Texnologiya bölməsindən digər xəbərlər

Daha çox