Boeing 737 MAX bu ilin sonunadək Avropada uçuş icazəsi ala bilər.

TED.az-ın məlumatına görə, bunu Avropanın Aviasiya Təhlükəsizliyi Agentliyinin icraçı direktoru Patrik Kay deyib.

O bildirib ki, Avropa bu təyyarələrin uçuş qadağasını yalnız ABŞ-ın Federal Aviasiya İdarəsinin müvafiq qərarından sonra götürə bilər. 

ABŞ tərəfinin Boeing 737 MAX-la bağlı qərarının noyabr ayında verilməsi gözlənilir.

Xatırladaq ki, 2018-ci ilin noyabrında İndoneziyada və 2019-cu ilin martında Efiopiyada Boeing 737 MAX təyyarələrinin qəzaya uğramasından sonra həmin modellərin uçuşuna qadağa qoyulmuşdu. Bu qəzalarda müvafiq olaraq 189 və 157 nəfər həlak olmuşdu.