Tvitter paylaşmaq funksiyasını Android istifadəçilərinin ixtiyarına verəcək.

TED.az xəbər verir ki, əvvəl yalnız iOS istifadəçiləri üçün açıq olan bu funksiya artıq milyonlarla Android cihazını da əhatə edəcək. 

Funksiya sayəsində Tvitter istifadəçiləri bəyəndikləri postları digər tətbiqlərdə də yaxınları ilə paylaşa biləcəklər. Məsələn, Tvitterdəki postu bu sosial şəbəkədə qeydiyyatdan keçməyən WhatsApp istifadəçisinə də göndərmək olacaq. 

Qeyd edək ki, funksiya Tvitter postlarının daha çox auditoriyaya çatdırılmasını hədəfləyir.